المساعد الشخصي الرقمي

مشاهدة النسخة كاملة : تقوس فى الساق


warranty
06-27-2009, 02:26 PM
السلام عليكم ورحمة الله وبركاته
دكتور لدى تقوس فى رجلى اليسرى تحت الركبة , كان شكله مقبول لكن الآن ومع مرور الوقت أحس بأن التقوس زاد مع أنى نزلت وزنى ( الطول 181 سم والوزن 87 كجم العمر 37 سنة ) وأشعر بألم فى الركبة اليسرى فى الجهة الداخلية ذهبت إلى دكتور أخصائى من 4 سنوات بعد الأشعة أخبرنى بأنى أحتاج إلى عملية علاج التقوس التقليدية بالكسر تحت الركبة وإزالة مثلث من العظم وتركيب شريحة ومسامير وأن الجبس يحتاج شهر ونصف وعلاج طبيعى شهر ونصف ولكن ضيق الوقت منعنى من إجراء العلمية لاننى أعمل فى الكويت وإجازتى السنوية شهر فقط وذهبت إلى دكتور أخر فى الكويت وبعد الأشعة قال اننى أحتاج فقط لتمارين تقوية عضلات الركبة أرجو المساعدة يا دكتور حيث أن التقوس أصبح واضح جدا فى مشيتى هل هناك علاج أخر غير هذة العملية حيث أن أجازتى فى أغسطس القادم, عملى يتطلب الوقوف مع العلم اننى بطبيعتى رياضى

د / مصطفى شهيب
06-30-2009, 02:10 AM
العملية بسيطة بإذن الله تعالى ، ولاداعى لإزالة جزء من العظام ، فقط بالشق العظمى ثم تركيب الشريحة ، وألف سلامة.

warranty
07-01-2009, 02:00 PM
هل تنفع معى يا دكتور عملية إليزاروف؟

د / مصطفى شهيب
07-10-2009, 01:59 AM
طبعا تنفع ، ولو أن عمرك كبير شوية على تلك العملية ، أنصحك بالشريحة فهى أفضل لك طالما لا تبغى التطويل.

warranty
07-10-2009, 01:03 PM
جزاك الله كل خير يا دكتور

mohamed
12-06-2009, 11:10 PM
السلام عليكم دكتور انا عندى 19 سنه وعندى تقوس فى رجلى اليمنى واضح ومسببلى مشاكل نفسية لان اصحابى بيريئم عليا وخايف من العملية وعايز اعرف التكليف تقريبا علشان احنا على قد حلنا ارجو الرد علشان انا نفسيتى تعبانه من الموضوع دا وشكرا

د / مصطفى شهيب
12-07-2009, 06:06 PM
الحل بسيط بإذن الله تعالى ، عملية شق عظمى ووضع شريحة صغيرة ومدة الشفاء شهر على الأكثر بإذن الله تعالى ، وألف سلامة .

mohamed
12-07-2009, 10:47 PM
دكتور عايز اعرف تكاليف عملية تقوس الساقين يا ريت ضرورى ارجو الرد

mohamed
12-08-2009, 06:58 PM
هل فى خطوره فى عملية التقوس او بعد العملية ممكن الانسان يعرج او يرجع عادى

د / مصطفى شهيب
12-09-2009, 03:05 AM
العملية بسيطة وبإذن الله تعالى يتعافى المريض فى خلال شهر ، وبالنسبة للتكلفة فقد أرسلت لك رسالة خاصة حيبى .

احمد عزت
05-22-2010, 10:05 AM
السلام عليكم ورحمة الله وبركاته ازيك يادكتور مصطفى انا اول مره ازور موقع حضرتك انا احمد عمرى 24 سنه من المنصورة عندى تقوس لو سمحت يادكتور عاوز اعرف تكاليف العمليه ضرورى وانا اخذت رقم تليفون حضرتك وهتابع معاك ان شاء الله بس ياريت تبعتلى رساله خاصه بتكاليف العمليه. للعلم رقم جوالى00966546736244 ولكم التقدير

د / مصطفى شهيب
05-22-2010, 05:18 PM
سأرد عليك برسالة خاصة حبيبى ، وألف سلامة .

احمد عزت
05-22-2010, 05:24 PM
اوك يادكتور انا فى انتظار رسالة حضرتك ياريت فى اصرع وقت وانا هتابع حضرتك بالتليفون

د / مصطفى شهيب
05-22-2010, 05:28 PM
رديت عليك برسالة على الإيميل الخاص بك ، وتحت أمرك حبيبى .

احمد عزت
05-22-2010, 05:47 PM
طيب معلش يادكتور بعد اذن حضرتك الساقين كم هياخدو وقت علشان الاجازه بتاعتى

د / مصطفى شهيب
06-01-2010, 02:13 PM
الساق الواحدة فى حدود شهر بإذن الله تعالى .

احمد عزت
06-02-2010, 10:47 PM
ازيك يا دكتور مصطفي انا احمد كنت كلمت حضرتك من السعوديه بخصوص التقوس كان فرق بين الرقبتين 15 سم انا بعت لحضرتك اشعاه على الاميل ياريت يا دكتور تشوفها وترد عليا اكون شاكر لحضرتك

د / مصطفى شهيب
06-03-2010, 01:55 AM
تم الرد على الإيميل حبيبى ، وألف سلامة .

احمد عزت
06-03-2010, 06:16 PM
معلش يا دكتور الرد موصلش ممكن حضرتك ترد عليا على البريد الوارد الخاص بيا فى المنتدى وشكرا على اهتمامك بالاستشاره

د / مصطفى شهيب
06-04-2010, 02:00 AM
تحت أمرك حبيبى ، ستجد الرد بإذن الله تعالى فى بريدك الخاص .

احمد عزت
06-05-2010, 09:31 AM
السلام عليكم ازيك يا دكتور طيب ممكن اعرف تشخيص الاشاعه هتحتاج عمليه ولا ايه بالظبط ولو عمليه ينفع يتعملو الساقين على طول . وشكرا بجد يادكتور على اهتمامك

د / مصطفى شهيب
06-05-2010, 04:23 PM
الآشعة تقول عملية ، لكن الكشف الطبى على الواقع مهم أيضا ، لابد أن أراك حتى أحكم بالضبط بما يرضى الله تعالى ، وألف سلامة حبيبى .

احمد عزت
06-05-2010, 05:30 PM
خلاص يا دكتور ان شاء الله لو ربنا أراد قبل منزل من السفر هيكون بينا تليفون : شكرا يا دكتور على ردك السريع واتمنى ان يوفقك الله

د / مصطفى شهيب
06-08-2010, 02:17 AM
بارك الله فيك حبيبى .

tarik
06-12-2010, 06:12 AM
السلام عليكم
يا دكتور انا عمري 17 طولي 166 وزني 58 و عندي نفس المشكلة التقوس في سقاني ما اقدر اضم ركبتي ببعض
فا عندي اسئلة بعد ادنك
1- ادا ما سويت العملية حتكون هناك اضرار في المستقبل
2- لو عملتها بعد فترة حرجع ثاني كما كنت و حقدر امارس الرياضة بشكل عادي
3- المثبت حيفضل في ساقي بعد العملية ما تأخد وقتها
4-طولي حيزيد بعد العملية :) هو دا السبب الي ممكن يخليني اعملها

مع تحياتي لك

د / مصطفى شهيب
06-12-2010, 12:25 PM
يزيد الطول قليلا بعد عملية تقويم تقوس الساقين ، ويمكن للمريض ان يلعب رياضة بعد حوالى شهر ونصف من الجراحة وبالنسبة لرفع الشريحة والمسامير قد يتم عمله لبعض الحالات إذا كانت الشريحة مؤلمه ( بعض المرضى لايشعرون بألم والبعض لابد من رفع الشريحة لوجود الم شديد بها ) ، وألف سلامة حبيبى .

احمد عزت
06-15-2010, 11:21 PM
لو سمحت يا دكتور ينفع يتعمل عمليه تقويم التقوس للساقين مع بعض او بعدها بأيام قليله

tarik
06-16-2010, 02:26 AM
طيب يا دكتور ممكن تقولي تكاليف الجراحة كم..؟؟

alisif
06-16-2010, 08:35 AM
الف شكر ليك يادكتور وربنا يوفقك لما فيه الخير بعد التحية كنت عايز اعرف تكلفة العملية للساق الواحدة كام لان نفسي اكون زي اصحابي ميبقاش عندي تقوس والف شكر وفي انتظار ردك

احمد عزت
06-16-2010, 11:46 AM
لو سمحت يا دكتور ينفع يتعمل عمليه تقويم التقوس للساقين مع بعض او بعدها بأيام قليله

د / مصطفى شهيب
06-16-2010, 08:56 PM
من فضلكم إتصلوا بى أو إرسلوا لى على الإيميل ، وبالسلامة إن شاء الله تعالى .

احمد عزت
07-10-2010, 06:14 PM
السلام عليكم ورحمة الله وبركاته - لو سمحت بدى اسأل عندى تقوس من تحت الركبه لو ضميت رجلى فرق حوالى 18 سم دى ينفع يتعملها عمليه ولا علشان الفرق كبير يكون الحل ايه ؟

د / مصطفى شهيب
07-10-2010, 06:18 PM
بالطبع لابد من عملية لتعديل إعوجاج الساقين ، وألف سلامة .

احمد عزت
07-11-2010, 01:44 AM
شكرا يا دكتور

د / مصطفى شهيب
07-11-2010, 10:18 AM
بارك الله فيكم جميعا .

ميدولف
08-01-2010, 07:34 PM
ازيك يا دكتور انا 18 سنه عندى تقوووس فى الساقين حلوالى من 15 الى 20 سم وانا فى 3 ثانوى وكنت عايز اقدم فى كليه عسكريه ان شاء الله لو عملت العمليه اثرها سوف يختفى عند الكشف الطبى وهل يتم ازاله الشريحه بعد العمليه وممكن بعد ازنك تكلفه العمليه فى رساله ؟ يا ريت الرد السريع يا دكتور

ميدولف
08-01-2010, 07:36 PM
ويا ريت يا دكتور اعرف مدى نجاح العمليه كام فى الميه ؟ علشان انا خايف اوى وبخاف من العمليات وهل هذه العمليه اجريت من قبل ونجحت ؟

ميدولف
08-03-2010, 12:45 PM
يا دكتور لو سمحت رد ؟ بليز انا محتاج ردك علشان اعمل العمليه بسرعه

ميدولف
08-03-2010, 06:59 PM
انتا فين يا دكتور من فضلك ترد انا حالتى النفسيه وحشه جدا وتعباااااااااااااااااان اوى بجد

choonchan
08-09-2010, 09:15 PM
egJ2b3 <a href="http://ghcqqigmrwxs.com/">ghcqqigmrwxs</a>, anutdtzphcxi (http://anutdtzphcxi.com/), umhvcceggkyi, http://nujwrtkcpxjy.com/

فوازكو
08-10-2010, 01:27 AM
السلام عليكم ورحمة الله وبركاته
حضرة الدكتور المحترم رمضان كريم وتصوم وتفطر علي خير ان شاء الله
الموضوع
.اصبت في الركبة اليمنه وعملت عملية والحمد لله بخير

بعد عملت العملية حملت علي رجلي الشمال وتسبب في التواء في الساق اليمن والساق الايسر ؟
توضيح الالتواء في الساقين

http://www2.0zz0.com/2010/08/09/22/722490520.jpg (http://www.0zz0.com)
والحمد لله الم اشعر باي الم هل في المستقبل بتاثر معاي

فوازكو
08-11-2010, 03:14 AM
يا دكتور رمضان كريم
ارجو الرد علي الصراحة الموضوع دا عامل نفسيات
وجزاك الله الف خير ان شاء الله

choonchan
08-11-2010, 06:34 AM
OXmXu6 <a href="http://iexlolfbqemi.com/">iexlolfbqemi</a>, vcwfjdjutwmu (http://vcwfjdjutwmu.com/), jaovhmxwqhse, http://cocmgdttnebg.com/

فوازكو
08-11-2010, 06:50 AM
السلام عليكم ورحمة الله تعالي وبركاته


انا شاب عمري 26 سنة اعزب ووزني 64 وطولي 168

عندي تقوس في الساقين وفي التصاق في الركبتين والقدمين من الاسفل ما بتتلصق مع بعدها البعد

والحمد لله ما في اي الم

هل في المستقبل بتسبب لي مشكلة


ارجو الرد في اسرعة فرصة كي اعرف ...

مع خالص تحياتي فواز

السعودية

د / مصطفى شهيب
08-14-2010, 01:57 AM
بالطبع قد تؤدى لخشونة مبكرة بالركبة والأفضل عملية تقويم للركبة حبيبى .

وحسبى الله ونعم الوكيل فى كل من يحاول إفساد كل خير مثل ال choonchan هذا .

asuoty
11-14-2010, 11:46 AM
السلام عليكم يا دكتور
ما المقصود بعملية تقويم للركبة
انا عندى تقوس فى الساقين و اثناء تصفحى لاحدى المنتديات قرات عن علاج بدون جراحة و هو عن طريق ما يسمى
TREATMENT OF ADOLESCENT TIBIA VARA BY
ASYMMETRICAL PHYSEAL DISTRACTION
انا عمرى 25 عام
فهل ينفع معى هذا العلاج الذى بدون جراحة حيث لا يوجد وقت لعمل عملية تصحيح ساقين لظروف العمل
اريد نصحية حضرتك يا دكتور
و جزاك اللة خيرا

د / مصطفى شهيب
11-15-2010, 01:39 AM
يكون العلاج بالشد فى الأطفال ، لكن بالنسبة لك حبيبى لاتنفع سوى الجراحة للأسف الشديد وكان لازم عمل شد وأنت صغير ، وألف سلامة حبيبى .

اخر شقاوة
05-31-2011, 05:44 PM
دكتور عندي تقوس بالساق مااقدر اضم بعضها
تنصحني اعمل العمليه سببتلي حاله نفسيه
اقدر اعمل رياضة بعد العمليه وامشي عادي من غير عرج
كم المده واقدر امشي بعدها عادي مدة شفائها


خااااااااايفه جداااااا

د / مصطفى شهيب
06-01-2011, 12:44 AM
ما هو عمرك ؟ ، وماهى المسافه بين الركبتين الآن ؟

اخر شقاوة
06-01-2011, 06:02 PM
عمري 24
المسافه لااعرف بس يمكن 15 سم

د / مصطفى شهيب
06-02-2011, 12:33 AM
لابد من العملية فى أقرب وقت حتى لاتصاب بخشونه مبكره ، وألف سلامه .